कांक्रो चोर

कालेले पुर्णिमाको रातमा छिमेकीको बारीको कांक्रो चोर्ने योजना बनायो। आफ्नै बारीमा भने सबै कांक्रो सकिएपछि उसले छिमेकीको बारीमा आँखा लगाएको थियो। पुर्णिमाको रात भएकोले छिमेकीको बारीको बोट प्रस्ट देखिन्थ्यो। यस्तो रातमा कस्ले पो देख्ला भनेर दिमाग लगायो।

उ लुसुक्क छिमेकीको बारीमा पस्यो र कांक्रो भनेर एउटा ठूलो फल झ्वाट्ट तान्यो। त्यो खिच्ने बित्तिकै छिमेकीको कुकुरले बारीको बोटतिर हेरेर भुक्न थाल्यो। काले तर्सियो। छिमेकीले कुकुरले भुकेको आवाज सुनेर बारीतिर आयो र "को हं त्याँ?" भनेर चिच्यायो। कालेले त्यही मौकामा त्यहाँबाट टाप कस्यो।

घर पुग्दा पुग्दै काले खुसीले गदगद भयो। "अब त मीठो कांक्रो खान पाइने भयो भनेर," यस्तै सोच्दै उसले कांक्रो क्वाराक्क टोक्यो। तर पहिलो टोकाई उस्लाई अचम्म लाग्यो। खाने बित्तिकै उसले मुख बिगार्‍यो, स्वाद त बिल्कुलै फरक! "के हो यो?" भन्दै उसले बिजुली बत्ती भएको ठाउँमा गएर ध्यानले हेर्‍यो। अनि एक्लै हांस्यो। काँक्रो भनेर ल्याएको त लौका पो परेछ! काले छक्क पर्‍यो र हास्दै सोच्न थाल्यो, "अब फेरि छिमेकीको बारीमा नजाऊँ होला!"

कालेको योजना त सफल भयो, तर हतारमा आर्काको कांक्रो चोर्न जांदा दिमागले काम गरेनछ। हत्तेरिका ! भन्दै काले एक्लै हांस्यो। अस्तु।