ठिक कि बेठीक ?

गज्जब लाग्छ, किन होला मैले गर्ने कामहरु संधै गलत हुन्छ? गौरवले गुनासो गर्दैथ्यो। 

रंजिता: किन र? के भो आज फेरि?

गौरव: हेर न हिंजो बिहानै मैले बारीमा काम गर्न जान लागेको थिएँ। आमा आएर अहिले बिहान बिहान किन बारीमा जानु पर्‍यो? लामखुट्टेले टोक्छ, भन्नुभो। अनि, आज मज्जाले सुतेर बसेँ। आमा आएर, अहिले सम्म सुतेर बस्छ्स? बारीमा यत्रो काम छ, भन्नुभो। 

रंजिता: हे! यस्तो कुरा त मलाई संधै हुन्छ। आखिरमा आमा त आमा नै हो नि! हिजो तिम्रो स्वास्थ्य ठिक थिएन जस्तो लाग्यो होला, डेङ्गु लाग्छ भन्ने भो होला आमालाई, आज तिम्रो फुर्सद छ, अनि धेरै सुते जस्तो लाग्यो होला, आज छोरा अल्छि भयो जस्तो ठान्नु भो होला। आमाको मन न हो। छोरालाई स्वस्थ्य र स्फुर्त राख्नु पर्छ भन्ने भाको होला। 

गौरव: होला, होला! मैले आमाको मनको कुरो नबुझेको होला। सायद आमाको मुटुको टुक्रा भएर होला।😂