त्यो नेता मरेको दिन!
त्यस्को परिवारले के गर्लान?
हिंजो सम्म त ठिकै थियो, आज यस्तो भयो।
त्यसलाई चिन्नेहरुले के भन्लान?
अस्ति मात्रै भेटेको थिएं, सामान्य नै थियो, आज यस्तो सुन्न पर्यो।
त्यस्को इस्टमित्रले के भन्लान?
मान्छे त ठिक ठाक नै थियो, के भएर मरेछ?
आउरे बाउरेहरुले के भन्लान?
बरु पैसा चैं कता कता मात्रै राखेका होलान हगि?
पैसा चलाउने बेपारीहरुले के भन्लान?
चर्को ब्याज तिरिय्याथ्यो अब सांवा चैं चट पार्न पाईय्यो। फाइदा नै भो।
घुस ख्वाएकाहरुले के भन्लान?
त्यो त डांका नै हो नि! मेरो फाइल सदर गर्न ... लाख/ करोड लियो बज्जियाले। के गर्नु नत्र पर्मिट नै पाइंदैन्थ्यो। मरेछ, ठिकै भएछ।
त्यसलाई मन नपराउनेहरुले चैं यस्तो भनिरहेका थिए।
साला, खुब जान्ने सुन्ने भनाउंदा हुन, मरेको ठिकै भो। बल्ल अब हाम्रो पालो आउने भो!
यो मेरो समाज हो, यहाँ यस्तै त हो नि ब्रो!
No comments:
Post a Comment