साहुनी बाथरुममा गएर मुख धुन खोज्दा पानी आएन। एकै पटक चिच्याएर, कस्तो कुकुरको छाउरा रैछ? पानी नै छैन! ए अलक्षिणा! एता हेर त बाथरुममा पानी नै आएन त! कस्तो मान्छे रैछ? हेर्नु पर्दैन! अफिस जान ढीला भै सक्यो।
८ बजे बल्ल तल्ल बिउंझिएका साहुनीले ४ बजे देखि घरको धन्दा गरि रहेका केटोलाई गालीको बौछार नै लगाइ दियो।
केटो: शिर निहुराउंदै, मालिक्नी साब! मैले त मेसिन ४:३० बजे नै चलाएको हो। के भएछ रैछ? संधै चढीरा नै हुन्छ।
साहुनी: जा गएर हेर! के भएछ? मलाई के था?
केटोले गएर हेर्यो, छेउ पुच्छर केही पत्तो पाएन।
केटो: मालिक्नी साब! मेसिन चल्छ तर पानी चढ्दैन। मेकानिकलाई बोलाउन पर्ने भो।
साहुनी: बोलाएर ल्या! अब त्यो नि मै जाम! रिसले चूर भएर बोली।
केटो: हजूर संग मेकानिकको मोबाइल छ नि एक पटक गरिस्यो न! त्यस्को घर पुग्न मलाई १/२ घण्टा लाग्छ। फोनमा भेट भए त छिटो आइदिन्छ नि।
साहुनी: अं अब त्यो पनि मलाई सिकाउन पर्छ नि!
साहुनीले केटोको कुरो ठिक लागे पनि केहि नभनी मेकानिकलाई फोन गरेर बोलाउंछ, मेसिन ठिक हुन्छ। र पनि, केटोलाई हकार्दै अब देखि मेसिन ठिक छ कि छैन पनि हेर्ने गर्नु। कामचोर!
जति सुकै मिहेनत गरे पनि जस नदिने यस्ता बानीले काम गर्ने मानिसको मानसिकतामा कस्तो असर हुन्छ होला? कतै तपाईंले पनि यस्तो व्यबहार त गर्नु भएको छैन? अपजस मात्रै दिने नगर्नु होला है। काम गर्नेलाई हौसला दिउँ है! अस्तु।
No comments:
Post a Comment