हैरान

एक दिन काठमाडौंबाट मद्रास जान हवाई टिकट चाहियो भनेर एक जना ग्राहक महानुभाव ट्राभल एजेन्सी जानु भयो। त्यस पछीको बार्तालाप बडो रोचक लाग्यो पाठक संग शेयर गर्न मन लाग्यो।

ग्राहक १ : काठमान्डूबाट मद्रासको हावा जहाजको टिकट पाईन्छ ?

ग्राहक २ : (ट्राभल एजेन्सी मा आएको आर्को ग्राहक) मद्रासको छैन चेन्नईको चाही पाउँछ होला ।

ग्राहक १ : यो चेन्नईबाट मद्रास कति टाढा छ ?

ग्राहक २ : नजिकै छ भन्छ । पुगेको चै छैन ।

स्टाफ : ( कम्प्युटरमा धून मग्न भएको कर्मचारीले ग्राहक तर्फ हेर्दै) नमस्कार ! नपुगेको ठाउँको बारेमा थाहा नै नपाइ प्याच्च बोल्नु हुँदैन नि हजूर । तपाईलाई थाहा छैन ? मद्रास र चेन्नई भनेको कान्तिपुर र काठमाडौँ भनेको जस्तै हो नि ।

ग्राहक १ : ए सर हामीलाई के थाहा त । छोराले मद्रासमा गएरै पढ्छु भन्यो । कता हो मद्रास कता हो चेन्नई, कहिले गे को भए पो !

ग्राहक २ : ए तेसो पो ! हि हि ..आफु न पुगेको ठाउको नाम सुनेको मात्रै थियो | अनि त के ठा पाउनु नि | तै पनि चेन्नई भनेको त्यो सारुक खान को फिल्म हेरेर ठा पाएको नि, मैले पनि | नत्र के ठा !

स्टाफ : भन्नुस हजुर कहिले जानु हुन्छ ?

ग्राहक १ : तिहार पछी को टिकट दिनुस् न |

स्टाफ : डेट भन्नुस न | कुन डेटमा जाने |

ग्राहक १ : ए बाउ | तिम्ले के भनेको ? डेट सेट भन्या बुज्दैन | तिम्ले भन्न खोजेको के ?

स्टाफ : सरि सरि | तपाई कहिले कुन मितिमा जाने भनेको नि ! कुन महिना को कति गते वा तारिख मा भनेको |

ग्राहक १ : तारिक त अदालतमा जग्गा को किचलो पर्दा त खुबै गे को थिएँ | म टेस्तो तारिक सारिक मा जान्न | ठ्याक्क भाई टिका सकेर तिन दिनको दिनमा जान्छु | मिल्छ ?

स्टाफ : काठमाडौं  बाट सिधै त छैन |

ग्राहक १ : (कुरा चुहिन नपाउंदै) ए .. अघि नै किन न भनेको त हुन्दैन भनेर | क्या फसाद !

स्टाफ : त्यस्तो भन्न खोजेको होइन हजुर | काठमाडौंबाट सिधा उडान छैन दिल्ली भएर जानु पर्छ भनेको नि |

ग्राहक १ : दिल्लीबाट जाँदा चेन्नई, पुग्छ कि पुग्दैन त ? म त दिल्ली सिल्ली नगए पनि हुन्छ | ठ्याक्क चेन्नई को टिकट देउ मिल्छ भने | नत्र आफु त ट्रेन मा नै गइन्छ |

स्टाफ : दिल्लीबाट जाँदा अलिकति महँगो पर्छ भन्न खोजेको नि |

ग्राहक १ : तपाई त बदमास जस्तो कुरा गर्छ भाई | म सिधा चेन्नई जाने मान्छेलाई दिल्ली घुमाएर पैसा बढी असुल्न खोजे जस्तो छ नि | बेकारमा दिल्ली पठाउछु भन्छ | म पाँच पटक त दिल्ली पुगेर आएसक्यो | ल हुन्छ भने देउ हुन्न भने म त जान्छु | तिम्रो मात्रै ट्राभल एजेन्सी छ काठमाडौँमा |

ग्राहकहरु जुरुक्क उठेर प्रस्थान गर्यो | स्टाफ हेरेको हेरै | हैरान भयो | अस्तु |