तिम्रो मुलायम स्पर्श

तिमी पनि अचम्मकि नै छौ के! जब म थाकेर चूर भएको हुन्छु, म तिम्रो शरणमा आएको हुन्छु। थाकेका मेरा कपाललाई तिमीले स्पर्श गर्दा मलाई अदभूत आनन्द आउँछ। अझै टाउको दुखेर शिर उठाउन नसकेको बेला तिम्रो सहायता नहुने हो त खै के भनौं म त बांच्दिन होला जस्तो हुन्छ। 

आजकाल तिम्रो सहयोगले मेरो ढाड दुख्ने समस्यामा पनि कमी भएको छ। तिम्रो चन्चले बानीले गर्दा कहिले शिरमा, कहिले कम्मरमा, कहिले गोडामा तिमी बसि दिंदा पनि मलाई आनन्द आउँछ। 

कहिले काहीं तिमीलाई अरुले काखमा राख्दा मलाई समेत काउकुटी लाग्छ। अझ तिमीलाई काखैमा राखेर सेल्फी खिच्ने बेलामा ओंठ चुच्चो पारेर सुंगुरको मुख जस्तो बनाउने नानीहरु देख्दा त झनै गज्जब लाग्छ। तिमीलाई त मज्जा नै आउँछ होला हैन? त्यै भएर त तिनीहरूको हर्कतलाई सहजै स्वीकार गरेर मजा लुटिरहेका हुन्छौ।

तिमीले बोल्न सकेको भए सायद यसो नगर, उसो नगर भन्थ्यौ होला! बेजवान तिम्रो बनावट भए पनि तिमी हाम्रो जीवनको अभिन्न अंग बनेका छौ। 

अहिले सम्म पाठकहरुले कोहो त्यो जस्ले यस्तो रोमान्चित गर्न सक्छ, हाम्लाई पनि भन्नुस न भन्दै खुल्दुली मनमा लिनु भएछ, हाहा!

त्यो तपाईं हाम्रो घर घरमा, कोठा कोठामा बस्ने तकिया हो। मेरो प्यारो तकिया। हो कि होइन? तपाईंको प्रतिक्रियाको आशामा छु। अस्तु।😉