कोरोना

ओ गोरुचा! गुलि जक उखे थुके याय मागु हाँ? न्हापा न्हापा धासा न्हिँच्छी चच्छी दें जक देना च्वनेम्ह गोरुचा! थौं कन्हे गन जक वने मागु हँ? घायँ नैम्ह।

उखुनु उखुनु धासा छें च्वन, दें जक देना च्वन धका ब्व बिगु बुरा चाँ, थौं कन्हे छाय पिने वने मब्युसें छें जक गार्‍हे जुया च्वं धागु खनि, जिं ला थ्व बुरा चिया खं हे मथु या वल धयां! छु छु का! बुरा जुसाँ निसें थथे जुइगुला!

ए बा! छ्या छें च्वनेगु जि? जिगु मानव अधिकार छं छ्या हनन यागेगु कुत याना च्वना?

छिमबु! थौं कन्हे लक डाउन जुया च्वंगु मस्युला ए!कुलंघार घायँ नै म्ह गोरु!

मस्यु बा जिंला! गथे सिइ केगु? न्ह्याबलें घायँ नै म्ह गोरु गोरु धका जुइम्ह अबु दु सिनि, जि गोरुं गथे याना सिका कायगु हाँ बुरा?

छिमबु यात बुरा धाएगुला? बेमान! पिन्हे पिहाँ वने बले कोरोनां ज्वनी धका वनेमते धयागु का। न्ह्यागु घायँ नैम्ह जुसाँ आखिर छ जिगु हे मचा ख नि गोरुचा!

ए बा! जिं छगु खं जक मखु यक्को हे खं मथु, थौं कन्हे! छगु ल थ्व कोरोना कोरोना धागु छु? अले पिन्हे पिहाँ वने मजुगु कारण छु? अले जि गोरु ख सा जिम्ह अबु सु खले? 

अबु: वा तां च्वना च्वन ! धाथें! जिगु मचा ला ज्ञानि जुल खनि, आ धासा! जिगु न्ह्यलं चायेका बिल बाबु छं। थौं निसें छ गोरुचा मखु, बाबुचा का।

धन्य कोरोना! जिम्ह गोरु मचा, थौं निसें बाबुचा जुल।

उखे थुके मजुसें, सकल परिवार नापं छें च्वना, कोरोनां बचे जुया दिसं, बिज्याहुं। 

भवतु सब्ब मंगलम!