तिम्रो अनुपस्थिती

तिमी त माइतमा आरामले बसेकी हौली, 

दिदीबहिनीको माझ रमाएर बसेकी हौली,

दाजु भाउजू अनि भाई बुहारीका साथ 

मज्जा संग रमाएकी हौली।

यहाँ मलाई भने,

तिम्रो अनुपस्थिती खड्किएको छ।

तिम्रो अनुपस्थिती खड्किएको छ।

पैसा !

ए बुढा! 

क कस्को पैसा खान्छौ, हं? तिम्लाई चाहिएको बेलामा सहयोग गरेकै हो। भनेको बेलामा दिएकै हो। अब मलाई चाहिएको बेलामा पैसा माग्यो भनेर तिम्रो चित्त दुख्यो, भन्छौ? अझ तेरो पैसा खाएर भाग्दिन भनेर फुर्ती लाउंछौ। 

त्यतिजाबो पैसा भनेर ढाक लाउंछस? तेरो लागि त्यति जाबो होला, दुनियाँको पैसा हसुरेर नतिर्ने तंलाई त्यति जाबो होला। मेरो लागि त लाख भनेको पनि करोड जस्तै हो।

अरे यार! तिम्ले लिने बेलामा त छिट्टै दिन्छु भनेका थियौ त! एकदम आत्तुरी नै छ बाबु! केही दिनमा नै दिन्छु भनेका थियौ त। अहिले बर्षौं बितिसक्दा पनि दिने तरखर गर्दैनौ त बुढा! उल्टै, तिम्रो पैसा खाएर मर्दैन पो भन्छौ, पुक्लुक्क गयो भने त सिद्दिगो त! तिम्ले त दुबाउंछौ बाबै! तिमी सिद्दिए पछि तिम्रो परिवार संग हिसाब माग्ने आधार पनि त छैन नि बुढा!

अब तिम्लाई तं भन्ने बेला आइसक्यो, मोरा! तं संग गरेको कागजको खोस्टा म संग राखेको पनि किराले खाएर प्वाल पर्न लाइसक्यो। अझै कति कुर्ने? 

काल कुरेको जस्तै कष्ट भैसक्यो। मोरा तं बुढाले गर्दा मैले स्वास्नीको हेपाई सहनु परिरा छ, बुझिस! आफ्नै पैसा पनि फर्काउन नसक्ने हुत्तिहारा भनीसक्यो, स्वास्नीले। हुन पनि अहिलेको हो र! उहिले कोरोनाले तंलाई लानै लागेको बेलामा दया लागेर नमागेको। खोइ कुरो बुझेको? जैले पनि तेरो कुरो मात्रै मैले बुझिदिनु पर्ने?

लौ अब जति सक्दो चांडो पैसा तिरिहाल नत्र सामाजिक संजालमा तेरो नाम, काम र दाम सहित विवरण निकाल्नु पर्ला। अस्तु।

तिमीलाई भेट्ने रहर छ।

खोइ कता छौ, तिमी? 

तिमीलाई भेट्ने आशामा भौंतारि रहेको छु। अघिल्लो बर्ष भेट्न आएको थिएं, बाटो बिग्रेकोले तिम्रो घरसम्म आउन सकेन। भेट्ने ईच्छा अधुरो नै रह्यो। 

यस बर्ष पनि भेट्ने आशा बोकेर हिंडेको छु, तर तिमी कता तिर बस्छ्यौ भन्ने नै थाहा भएन! यताउता जताततै सोधिरहेको छु। तिमीलाई भेट्ने ठेगाना सोध्दैछु, अहिले सम्म भेउ पाउन सकेको छैन। 

तिमी कता छौ? खोई! 

तिमीले त! बिरालाले बच्चा सारे जस्तो डेरा सारि राख्छ्यौ भन्ने पनि सुनियो। तर तिमीलाई नभेट्टाई नहुने भएछ। मेरा मनका भावनाहरु पोख्नु छ, तिमीलाई! 

तिमी कता छ्यौ भन न प्रिय! 

म तिम्रो खोजीमा दौडिरहेको छु। अलिकति मात्रै थाहा देउ न प्रिय! तिमी बस्ने ठाउँमा, गाउँमा अनि सकेसम्म घरमा नै आउँछु, मनभरीका बह पोखाउंछु, संगै बसेर गीत गाउँछु, तिमी कता छौ? प्रिय! तिमीलाई भेट्ने रहर छ।

अस्तु!