हिजोआज ग्यासको सिलिन्डरको जुलुसमा मेरो सिलिन्डर पनि लाइनमा थियो । अनि सिलिन्डरले मलाई भन्यो।
ओ ए ग्यास बोकुवा ! मलाई राम्ररी बोक त, सडकमा गुल्त्याएर मेरो ढाड भाच्ने काम नगर त। तिम्रो भान्छा मै जाने हो । किन हेला गर्छौ ? म बिना तिमीहरूलाई कति कष्ट हुन्छ, देखि हाल्यौ ।
तिम्रो सरकार त निकम्मा रहेछ । हामी रित्तिदा पनि भरिदा पनि कमिसन नै खान्छन् कि क्या हो?
कहिले हाम्रो लुगामा निलो रङ भरिदिन्छ कहिले हाम्रो नाममा परिचय पत्र बनाउने भन्छ । जे गरे पनि तिमि जनताहरु चै चुप लाएर बस्दा रहेछन । हामी सिलिन्डरहरुलाई बरु लाज लागि सक्यो । हुदा हुदा हाम्रो नाममा पनि राजनीति ।
कसै कसैले हामिलाई ढाडमा बोकेर लान्छन, कतिले गाडीमा, कतिले मोटर साइकल, कतिले साइकल, के के हो के के ।
कति युवा जोडीलाई त मज्जा पनि भाको छ । कमसेकम ग्यास लिन जाने निहुँमा मनपर्ने साथीहरू भेट्न पाइएको पनि छ। तेसैले ग्यास लुकाउनु हुने बेपारीहरुलाई धन्यवाद पनि दिन्छन् रेछ ।
म सिलिन्डरलाई त के छ र ! आज एउटा को घरमा भोलि आर्को घरमा ।
अगाडिको सिलिन्डर र म एक पटक सङ्गै एउटै घरमा पुगेका थियौ । हामी दुबै एक अर्का संग थेलम थेल गरेर अरु सिलिन्डरहरु संगै परेका थियौं ।
एय्या बाबा ! मलाई त्यो दिन लडाएको अझै दुखेको छ। जिउ नै कुच्याइ दियो । हेर्नुस् ग्यास बोकुवा !
मलाई भने भरे बेलुकी खाना खान पाउने ठेगाना नभएको बेलामा कहाँ सिलिन्डरको कुरा सुनेर बस्ने। लौ जास भनेर तेइ ग्यास सिलिन्डर मै थचक्क बसि दिए।
