पागल र डाक्टर

एक दिन मानसिक अस्पतालका एक जना पागल हातमा चक्कु लिएर डाक्टर साहेबलाई लखेददै लखेददै हत्तु पारेछन | डाक्टर एकदम थाकेर हिड्न नसक्ने भए पछी हार मानेर थ्याच्च भुइँमा बसेछन् | पागल पनि लखतरान् परेछन् | तै पनि डाक्टरको पिछा छोडेनन् | हातमा चक्कु लिएर डाक्टर को अगाडी आएको देखेर डाक्टरले डराउदै यसो भनेछन् |

डाक्टर : मलाई नमार मैले के बिगारेको छु र ? भनेर हात जोडेर बिन्ति गरेछन् |
पागल: मैले तिमीलाई मार्न आएको होइन | म त भेट्टाई पो खेली राको नि |
डाक्टर: अनि हातमा चक्कु किन लिएको नि?
पागल: ए ! यो तिम्रो चक्कु मैले चोरेको थिएँ | तिमी संग भेट्टाई खेल्दा दिन्छु भनेर ल्याएको नि | ना... लेउ | ई.. मैले तिमीलाई छोएँ | ध्याप्पा... | ( पागलले डाक्टरको हातमा चक्कु थमाई दिएछ ) अनि फेरी भन्यो अब म भाग्छु तिमिले मलाई छुन आऊ है | यति भन्दै पागल फेरी भागेछन |
डाक्टर अक्क न बक्क भएछन |