चाइनीज पर्यटक

(ठमेलको एउटा कुनामा एक छिन साथी कुर्दा दुइजना पर्यटन ब्यबसायी भेट भएको पृष्ठभुमि)
के छ हो हाल खबर ?
भिजिट नेपाल, खायो कपाल, जय नेपाल!
चिनियाँ पर्यटक हुरुर आयो भने २० लाख पुगिहाल्छ नि।

ह्या ! यस्ता पर्यटक नि के को पर्यटक? जो चिनियाँ कम्पनीले चलाउँछ, चिनियाँ साहुजीको होटलमा बस्छ, चिनियाँ रेष्टुरेन्टमा खान्छ, चिनियाँ पसलमै किन्छ, चिनियाँ गाइड संगै घुम्छ।

हामीले ती चिनियाँ पर्यटकहरुको प्लास्टिक र फोहोरमैला सोहरेर सफा गर्ने त हो नि! अनि चिनियाँ पर्यटक आयो भनेर दंग पर्ने मात्रै त हो नि।

तपाईंलाई थाहा नै छ नि! कतिपय ठाँउमा त चिनियाँहरु पर्यटक भिसामा आएर बिना वर्क परमिट नेपालमा आरामले काम गरि राखेको पनि छ। हाम्रा केटाहरु चैं खाडीमा काम खोज्दैछन।

यो भिजिट नेपाल भन्ने नि के हो? के हो? खोइ हामीले कसरी काम गर्ने हो मैले त केही मेलो मेसो नै पाइन यार!

त्यसैले भिजिट नेपाल, खायो कपाल !